رد هام

بسم الله والصلاة والسلام على رسول الله اما بعد :انا هارد الاول على الاخت مريم اللى كانت بتقول ان فى صور مقززة وبقولها انا فعلا اشرت لده فى نهاية الموضوع بان الصور دى فيها حاجات تزعل الواحد تانى حاجة رد على المدير العام للمنتدى، انا لما بقدم موضوع بيبقى فى دماغى رسالة معينة عاوزها توصل للناس وعلى فكرة انا مش مهتم اذا كان ده فى الصالح العام ولا لأ انا المهم عندى ان رسالتى توصل وبعدين انت مش شايف ان مش من الصح انك تدخل تعدل فى مواضيعى على العموم مشكور جدا وانا ده هايكون اخر موضوع ليا وهاكتفى انى اكون عضو للرد على المواضيع فقط لاغير وجزاكم الله خيرا

بص انا بتكلم فى حقى كواحد بيحط رأيه ولو انت عايز تشطبنى من المنتدى انا مش هازعل لانك كده اكدت معنى الحرية والديمقراطية اللى موجودة شكررررررررررررررررررررررررررا

اذا كنت بتتكلم فى ان فى صور فى مواضيعى فيها دعاية لمواقع تانية ارجو انك تراجع بعض مواضيعك اللى كان واضح فيها رابط لموقع اليوم السابع وعلى فكرة انا عامل مواضيع على منتدى الباشمهندس وليد انت عرفه طبعا وفيها صور مكتوب عليها اسم مواقع تانية والرجل مشكورا لم يقول اى حاجة وياريت تدخل وتتأكد بنفسك

السلام عليكم يا شباب
ماينفعش كدة انتوا حميتوا على بعض اوى ده مجرد نقاش مش عايزين نقلبها الى اى حاجة تانية
و انا لما قلت على ان الصور فيها صور مقززة ماكنتش اقصد حاجة و طالما ليها هدف هيوصل صح خلاص
و ده ما كنش اعتراض
و صلوا ع النبى يا شباب مش عايزين خلاف بسيط يبعدنا عن هدفنا

انا خلاص معنديش مشكلة بس يكفى انك قولت ان ده هاتضيفه لقوانين المنتدى بمعنى انه ماكنش موجود فى قوانين فيبقى مينفعش تحاسبنى عليه وليا تعقيب تانى انك قولت ان كل واحد له حرية الرأى مادام فى حدود الادب وانا بقولك الحمد لله انا لم اتعدى حدود الادب مع حد وبرده انا هاعتبر نفسى عضو للردود فقط وشكرررررررررررررررررا

ياريت حضريتك تعرفى ان الموضوع ده تم تعديله بعد ما تم انزال مواضيع بها ايميلات لاشخاص تانية يعنى ده ماكنش فى القوانين وبعدين حضريتك انا حسيت ان الاسلوب اللى تم التعديل بيه اسلوب غير لائق وبعدين حضريتك الموضوع خلاص خلص وانا معنديش ادنى مشكلة لكن برده انا حسيت ان كلام حضريتك فى بعض التعنيف وارجو ان ده يكون احساس خاطئ

لا اله الا الله
انا رأيى يا شباب ننس الموضوع ده خالص الل حصل حصل
اهم حاجة نركز على هدفنا و مش عايزين نفقد اعصابنا على خلافات فى الاول و فى الاخر هو مجرد خلافات
خلينا دايما فاكرين ان الشيطان بيحاول يبعدنا عن هدفنا الاساسى بحاجات هى فى الاول و وفى الاخر

فرعيه

حضريتك ان كنت نسيت بس مينفعش حد يجى يكلمنى بأسلوب تعنيف وانا مردش وادافع عن نفسى

معلش
بس انا مش فهمت قصد حضرتك ايه ب نسيتى ؟
و برده ماتنساش ان المفروض ان حضرتك و القناص المصرى اصدقاء و طبيعى انه يحصل خلاف مابينكم بحكم الطبيعة البشرية
و حتى لو كان هو غلطان
فكل بنى ادم خطاااااء و نحاول نسامح و ننسى لبعض لان ده هيتردلنا تانى