elkanaselmasry
اهلا ومرحبا بك فى منتديات القناص المصرى
ونتمنى ان تقضى معنا وقتا سعيدا
وكل عام وانتم بخير
elkanaselmasry
اهلا ومرحبا بك فى منتديات القناص المصرى
ونتمنى ان تقضى معنا وقتا سعيدا
وكل عام وانتم بخير
elkanaselmasry
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

elkanaselmasry

منتديات القناص المصرى&معا للنهضه بالانسانيه
 
الرئيسيةأحدث الصورالتسجيلدخولالجروب الرسمى للمنتدى ع الفيس بوك

 

 الحلقة الثامنة ( انا وحش .. )

اذهب الى الأسفل 
كاتب الموضوعرسالة
Bengela
عضو فعال
عضو فعال



عدد المساهمات : 25
تاريخ التسجيل : 03/02/2010
العمر : 32
الموقع : https://www.facebook.com/group.php?gid=233795621380

الحلقة الثامنة ( انا وحش .. )  Empty
مُساهمةموضوع: الحلقة الثامنة ( انا وحش .. )    الحلقة الثامنة ( انا وحش .. )  Icon_minitimeالأربعاء يوليو 28, 2010 6:55 am

حمله هنتغير بجد

الحلقه الثامنه
بعنوان

انا وحش !!



+ السلام عليكم

= وعليكم السلام ورحمه الله وبركاته
ايش اخبارك ؟

+ بخير الحمد لله
وانت ايه الاخبار معاك ؟

= الحمد لله

+مالك شكلك متاخد ؟؟

= بص انا مش هلف وادور
انا مشكلتى العويصه
ان حاسس ان مفيش فيا اى خير خالص
مش عارف كده احساس من جوا

+ وانا من الاخر كده مش هلف وادور عليك
سؤال
مين اللى خلقك
انت ولا ربنا عز وجل ؟!

= طبعا ربنا

+ طيب ومين اللى يعرف التانى اكتر
انت تعرفه سبحانه اكتر من ذاته
ولا سبحانه يعرفك اكتر من نفسك

= لاء طبعا
هو يعرفنى اكتر من نفسى

+ طيب مين يعرف اكتر
انت تعرف نفسك اكتر منه سبحانه
ولا هو يعرفك اكتر من نفسك

= لاء هو يعرفنى اكتر من نفسى

+ جميل جدا
بص بقى
انت قلت على نفسك انك مفيش فيك خير
وانت غلط خالص
وده كلامك انه يعرفك اكتر من نفسك

=مظبوط

+ بص بقى كده
واسمع كلام حبيبك وحبيبى
عز وجل
( ونفس وما سواها )
ربنا هنا بيتكلم عن نفسك
ولما ربنا عز وجل ذكرها نكره علشان يبقى لفظ شامل كل شئ
يعنى ربنا محددش النفس دى
مسلمه ولا كافره
اى نفس
اياَ كانت نفس مين
ربنا بيقولك
ونفس وما سواها
عارف لما اقولك انا سويت الارض
يعنى خليت الارض حته واحده
كأنها خط واحد
وكتير مننا اللى بيعلبوا كوره
لازم يساووا الملعب وخصوصا لو كان رمله
ان يبقى اللعب اسهل
اذن ربنا بيقولك اى واحد لما بيتخلق
بيتخلق مستوى
يعنى مظبوط
بدليل اننا كلنا بنتخلق على الفطره
وعمرك ما شوفت حد طالع من بطن مامته بيشتم الدكتور
ولا بيبى طالع ماسك سكينه فى ايده
ولا بيبى طالع بيذكر ربنا وماسك مصحف
ولا واحد طالع بيصلى
كلنا اتولدنا زى بعض
وبعد كده اما بنحافظ على الاستواء الربانى ده
ان اهلنا يربونا على الدين
او العكس ان اهلنا يضيعوا مفهوم الدين
وكذلك احنا بعد كده
ممكن نضيع مفهوم الدين عندنا
او نحافظ عليه
زى ما بيحصل من بعض الابناء
يقول لأهله خليك مودرن شويه
وفى ظن الاب علشان يرضى ولاده يبقى مودرن
ويخليهم براحتهم
وبالتالى الاولاد يضيعوا
ولكن ممكن يوم مودرن صح
مودرن ومتدين
طبعا ده مش موضوعنا
وهنبققى نتكلم بعدين ازاى ابقى موردن
ومتدين
يعنى لو انت شايف فى نفسك حاجه غلط
يبقى منك مش من ربك
لان ربك خلقك مستوى
سليم
لم يخلقك عصبى
او حاجه كده
بص بقى الايه اللى بعدها
(فألهما فجورها وتقواها)
بص كده ربنا ما قلش فألهمها
خيرها وشرها
لاء
ربنا عز وجل
جاب القمه فى الشمال والقمه فى اليمين
الفجور قمه المعصيه
يعنى بتعصى ومش همك حاجه
والتقوى بتطيع ربنا وكل هدفك ان حبيبك يقبل عملك وبس
يعنى لو انت بتعصى ومش همك حد فبرده فى الخير
ربنا قال النفس
اى نفس فيها الاتنين
وبرده لما ربنا قال
لم يقل
فألهمها فجورها والتقوى
او فألهمها الفجور والتقوى
لاء
اضاف فى الاخر
"ها "
علشان تدل على ملكيتها
ان ده شئ اساسى فيك لاينفصل عنك
مهما حصل
الحاجه التالته
ربنا ذكر الفجور قبل التقوى
يعنى المعصيه قبل الطاعه
لان المعصيه اسهل من الطاعه
انك تعمل المعصيه اسهل من الطاعه
وحفت النار بالشهوات
وحفت الجنه بالمكاره

=طيب امال انا ليه وحش كده ؟؟

+ علشان ما سمعتش الايه الجايه
( قد افلح من زكاها * وقد خاب من دساها )
لو لاحظت ترتيب الايات
هتلاقى ربنا جاب الاول
الاحسن
علشان يديك دافع وامل
لان مثلا بص كده انا لما اقرأ واقف
(فألهمها فجورها وتقواها * قد افلح من زكاها )
هتفرح اوى
وختى لو كملت
ربنا جاب الخير الاول
والاحسن الاول
( قد افلح من زكاها )
قد هنا للتأكيد
ربنا بيأكد
لانه ماقلش مثلا
اللى هيزكيها ممكن يكسب او يفلح
لاء
ده اللى هيزكيها كسبان اساسى
نتيجه معروفه للفعل
تزكيها فى اى جانب
فى اى لحظه كسباب كسبان
ولما تزكى نفسك
تعليها
اما بطاعه
صلاه صبر ابتسامه كلمه حلوه
تمسك نفسك لما تتنرفز
تبر والديك
او تسيب معصيه تغض بصرك
تكون عاوز تنام وتقام نفسك وتقوم تصلى
قاعد لوحدك وتمسك نفسك عن المعصيه
كل ده بتزكى بيه نفسك
بتعلى بيه
وانت الكسبان
اما الايه اللى بعدها
(وقد خاب من دساها )
برده ربنا بيأكد
انك لو دسيت نفسك يعنى نزلتها
بالمعاصى هتخسر جامد اكبرها هتخسر حب ربنا ليك
ودى جامده اوى

عرفت بقى ان الخير جوانا كلنا زى ما الشر والفجر جوانا
اللى علينا اننا نرتقى بالجزء الكويس
ونسيب الجزء الوحش
وبرضه ما اعيرش حد لانه وحش
لانه وان كان وحش فبرضه فى خير

=عندك حق والله
لو عيرت حد يبقى انا اللى وحش لانى مش باصص غير على سلبياته بس

+كده حلقتنا النهارده انتهت
كل واحد يراجع نفسه
ويخرج السلبيات
والايجابيات
ويتعامل بعقل
وينمى الخير ويسيب الشر

= ماشى
يلا
سبحانك اللهم وبحمدك نشهد ان لا اله الا انت نستغفرك ونتوب اليك

+ سبحانك اللهم وبحمدك نشهد ان لا اله الا انت نستغفرك ونتوب اليك
يلا
السلام عليكم ورحمه الله وبركاته

= وعليكم السلام ورحمه الله وبركاته








انتظرونا وحلقه جديده من
هنتغير بجـــد
الرجوع الى أعلى الصفحة اذهب الى الأسفل
https://www.facebook.com/group.php?gid=233795621380&ref=mf
 
الحلقة الثامنة ( انا وحش .. )
الرجوع الى أعلى الصفحة 
صفحة 1 من اصل 1
 مواضيع مماثلة
-
» الحلقة الثامنة عشر ( ازاى اعبد ربنا صح )
» الحلقة الثالثة عشر ..( هقرب من الغفار وهبعد عن النار )

صلاحيات هذا المنتدى:لاتستطيع الرد على المواضيع في هذا المنتدى
elkanaselmasry :: معا للنهضه بالانسانيه :: هنتغير بجد-
انتقل الى: