انا مش عايز اتكلم عن موضوع خالد الله يرحمه...
لكن اللى عايز اقوله ان محدش يقدر ينكر ان فى تجاوزات وانتهاكات لحقوق الانسان بتحصل داخل اقسام الشرطه....
انا مره روحت مع والدى شهود على مشكله فى القسم وقفنا مع المتهمين ساعتين كأننا مثلهم..
ومره تانيه كانت شقتنا اتسرقت كان الظابط بيستدعى والدى لمتابعه التحقيقات
وكان بيسيب والدى واقف قدامه بالساعتين كأنه متهم ...
ومره الظابط قاله شوف الحاجات اللى اتسرقت من شقتك بكام وتعالى خد ما يساويها من المسروقات اللى احنا ظبطنها ....
طبعا والدى قاله طيب ودى مش بتاعه ناس تانيه .. لاء خلاص انا مش عايزهم ورينا يعوضنى عنهم..
هى دى الحكومه...
لو حد عايز يشوف الحكومه اللى بجد اللى بصراحه بتشتغل على اعلى واكفء مستوى
يمشى اى يوم على الساعه 10 الصبح من طريق الخليفه المأمون يشوف الحكومه بجد..
اى مسئول هيعدى بيبقى معمول عليه حمايه من نار
والله ياجماعه شوفتها بعينى وانا راجع من مصر الجديده الاسبوع اللى فات
عسكرى امن مركزى كل نص متر من بدايه الطريق من مصر الجديده بطول شارع الخليفه المأمون لحد جامعه عين شمس.. ده غير لوأت الشرطه والحرس الجمهورى..
هى دى الحكومه اللى بجد مش الجرافيك اللى احنا بنشوفها..وعجبى